ट्वेन्टी - २० क्रिकेट या क्रिकेटच्या नवीन स्वरुपामुळे क्रिकेटरसिकांसाठी एक नवीन दालनच उघडले गेले आहे. सदर क्रिकेटचा वाढता प्रभाव पाहून क्रिकेट रसिकांसाठी श्री. सुभाष देसाई यांनी अनोख्या टी-२० क्रिकेट सामन्याचे आयोजन गतवर्षी तसेच यावर्षी केले. क्रिकेटच्या रसिकांसाठी तर ही आनंदाची पर्वणीच! नॅशनल क्रिकेट क्लब, न्यू हिंद क्रिकेट क्लब, एम. आय. जी. क्रिकेट क्लब, पय्याडे क्रिकेट क्लब, परकोफेणे क्रिकेट क्लब, शिवाजी पार्क जिमखाना, डी. वाय. पाटील आदि दिग्गज व सुप्रसिद्ध क्रिकेट संघांमधील चुरस स्वत:च्या गोरेगावात अनुभवण्यास मिळणे म्हणजे खर्‍या अर्थाने क्रीडारसिकांसाठी मेजवानी. त्यांत माननीय दिलीप वेंगसरकर यांचे मार्गदर्शन म्हणजेच दुग्ध शर्करा योगच. मुंबई क्रिकेट संघटनेचे सदस्य अविनाश सुळे, माजी क्रिकेट पटु अजित पै आदी दिग्गजांच्या उपस्थितीमुळे क्रिकेटरसिकांचा आनंद द्विगुणित झाला.
अशा उपक्रमांद्वारे श्री. सुभाष देसाई यांनी वेळोवेळी गोरेगावातील क्रीडाप्रेमींना वेळोवेळी आनंदोत्सवाचीच भेट दिलेली आहे.